Janë regjistruar 115 zjarre nga fillimi i vitit në rajonin e Kavadarit. Policia sot thirri mbledhje ku përfaqësuesit e disa institucioneve kompetente biseduan për masat parandaluese për mbrojtjen nga zjarri.

“Në nismën e përbashkët në bashkëpunim me stacionin policor Kavadar, Qendra për menaxhimin me kriza, Drejtoria për mbrojtje dhe shpëtim dhe komuna e njësisë kundër zjarrit, vendosëm të kemi mbledhje koordinuese me përfundime konkrete në pjesën e shuarjes së zjarreve dhe ruajtjes së hapësirës”, deklaroi kryetari i komunës së Kavadarit, Mitko Jançev, përcjell Telegrafi Maqedoni.

Kreu i Kavadarit, Jançev thotë se më parë ka pasur më pak zjarre por edhe janë evidentuar të gjitha zjarret dhe kjo është tregues i bashkëpunimit të mirë mes institucioneve.

Në mbledhje morën pjesë inspektori për parandalim Dimitar Karakullev, komandati i shërbimit kundër zjarrit, Aleksandar Çadamov, Sashko Petrov nga Drejtoria për mbrojtje dhe shpëtim dhe mjeku Dragan Dimitrov nga ndihma e shpejtë. Njësia territoriale kundër zjarrin vepron në territorin e komunave të Kavadarit dhe Rosomanit.